Hüquqi

Gizlilik siyasəti

Versiya: 2026-11-02 (v1) · Qüvvəyə minmə tarixi: 2 noyabr 2026

Bu siyasət Patimo tətbiqində və patimo.az saytında hansı fərdi məlumatları topladığımızı, nə üçün istifadə etdiyimizi, kimə ötürdüyümüzü və necə silə biləcəyinizi izah edir. Məlumatların operatoru — Jatu Digital MMC (VÖEN [VÖEN], ünvan: [ünvan]). Əlaqə: info@jatudigital.com.

Hansı məlumatları toplayırıq

Telefon nömrəsi — giriş üçün (SMS kodu). Başqa istifadəçilərə göstərilmir. Yalnız «Gördüm» yazanda «Sahibi mənə zəng edə bilər» seçimini özünüz açsanız, nömrəniz həmin elanın sahibinə görünür; Patimo nişanında «Telefonumu göstər»i özünüz yandırsanız — nişanın səhifəsini açan hər kəsə.
Ad və şəhər — profiliniz. Adınız elan üzrə yazışmada və «Gördüm» siyahısında qarşı tərəfə görünür.
Yer. «Yaxınlıqdakılar» basanda telefonun yeri yalnız tətbiqin yaddaşında istifadə olunur; siyahını sıralamaq üçün serverə ~100 m-ə yuvarlaqlaşdırılmış nöqtə gedir və saxlanmır. Ərazi bildirişləri əlavə olunanda seçdiyiniz ərazi ~500 m dəqiqliklə saxlanacaq. Arxa planda yer izlənmir.
Heyvan profili və sağlamlıq qeydləri — yalnız siz görürsünüz.
Şəkillər — yükləmədən əvvəl sıxılır, EXIF məlumatı (o cümlədən GPS koordinatları) silinir. Heyvan profilinin şəkilləri yalnız sizə görünür (Patimo nişanında «Şəkli göstər» açıqdırsa, birinci şəkil nişanın səhifəsində açıqdır); elanın şəkilləri açıqdır (elan səhifəsi və paylaşma).
Elanlar — heyvanın təsviri, harada və nə vaxt itdiyi və ya tapıldığı. Dəqiq yer yalnız elanın sahibinə görünür; başqalarına ~1 km-lik təxmini ərazi.
«Gördüm» — harada və nə vaxt gördüyünüz və qeydiniz; yalnız elanın sahibi görür.
Patimo nişanı (QR boyunbağı) — nişanın kodu, hansı heyvana qoşulduğu və səhifənin ayarları. Nişanın açıq səhifəsində (patimo.az/q/<kod>) heyvanın adı və növü, qeydiniz, heyvan axtarılırsa elana keçid, özünüz seçsəniz birinci şəkil və telefon nömrəniz görünür. Adınız, şəhəriniz və ünvanınız heç vaxt görünmür.
Nişanın skanları — nişanı skan edən şəxs səhifədən «Sahibinə xəbər verin» göndərəndə: vaxt, mesajı, yalnız özü «Yerimi göndər» basarsa dəqiq yeri və istəsə telefon nömrəsi. Bunları yalnız nişanın sahibi görür; sahibə gedən bildirişdə mesaj, yer və nömrə olmur. Göndərməzdən əvvəl Cloudflare Turnstile bot yoxlaması aparılır.
Çat mesajları — yalnız yazışmanın iştirakçıları görür. Patimo komandası mesajları oxumur: panel mesajları göstərmir, şikayətdə yalnız elanın özünə baxılır.
Bildirişlər (tətbiqdaxili siyahı) və bildiriş ayarlarınız; dəvət kodu (qeydiyyatda yazdığınız); şərtlərə razılıq (versiya və tarix).
Texniki jurnallar — SMS göndərişinin jurnalı (nömrənin özü yox, onun hash-ı; vaxt və nəticə) və serverin standart texniki jurnalları.
Push token — push bildirişləri əlavə olunanda (hazırda toplanmır).
Fərdi nişan sifarişi — nişanın dizaynı (ad, material, rəng, ölçü) və çatdırılma məlumatı: ad soyad, telefon, şəhər/rayon, ünvan, istəyə bağlı poçt indeksi və qeyd. Yalnız sifarişi hazırlamaq və çatdırmaq üçün.
Gündəlik qayğı — heyvanın planı (yemək, gəzinti, dərman və s., vaxtları) və qeydlər: nə, nə vaxt və kim edib.
Foto gündəlik — gündə bir şəkil (yükləmədən əvvəl sıxılır, EXIF/GPS silinir); kim əlavə edib. Aylıq kolaj telefonunuzda yaranır, serverdə saxlanmır.
Ailə üzvləri — kimin hansı heyvanın ailəsində olduğu və dəvət kodları (cədvəldə yalnız kodun hash-ı, 48 saat).

Nə üçün və hansı əsasla

Məlumatları yalnız xidməti göstərmək üçün emal edirik: giriş, elanların və «Gördüm»ün işləməsi, yazışma, xatırlatmalar, yerlərin siyahısı, təhlükəsizlik (spam, fırıldaqçılıq və şikayətlər). Hüquqi əsas — qeydiyyatda verdiyiniz razılıq və xidmətin göstərilməsi zərurəti, Azərbaycan Respublikasının «Fərdi məlumatlar haqqında» Qanununa uyğun olaraq.

Kim görür

Digər istifadəçilər: adınız (yazışmada və «Gördüm»də), elanlarınız (dəqiq yer olmadan) və elanın şəkilləri.
Patimo komandası — dəstək və moderasiya üçün, iki mərhələli girişlə (SMS və autentifikator); hər hərəkət daxili jurnala yazılır. Komanda çat mesajlarını oxumur.
Heyvanın ailə üzvləri (sahib dəvət edir, ən çox 5): heyvanın profilini, şəkillərini, sağlamlıq qeydlərini, qayğı planını və qeydlərini, foto gündəliyi və ailədəkilərin adlarını görürlər. Telefon nömrəniz ailədə görünmür. Üzv heyvanı redaktə edə, silə, elan verə bilmir; sahib üzvü istənilən vaxt çıxara, üzv özü çıxa bilər.

Kimə ötürülür

Supabase — verilənlər bazası, fayllar və giriş; serverlər Avropa İttifaqındadır (Frankfurt, Almaniya).
1sms.az — SMS kodunu göndərmək üçün nömrəniz.
Cloudflare Turnstile — girişdə və nişanın səhifəsindən xəbər göndərəndə bot yoxlaması.
Vercel — patimo.az saytının hostinqi.
Push bildirişləri əlavə olunanda: Expo, Apple (APNs) və Google (FCM) — yalnız bildirişi çatdırmaq üçün.
Azərpoçt — fərdi nişanı çatdırmaq üçün: ad soyad, telefon, ünvan, poçt indeksi və sifariş nömrəsi. Nişanı hazırlayan emalatxanaya yalnız dizayn (ad, kod, QR) verilir, çatdırılma məlumatı yox.

Məlumatlarınızı satmırıq, reklam üçün paylaşmırıq və başqa tətbiq və saytlarda sizi izləmirik (tracking yoxdur). Tətbiqdə reklam şəbəkəsi və analitika SDK-sı yoxdur.

Nə qədər saxlanılır

Elan 30 gün aktiv olur (uzada bilərsiniz), sonra avtomatik bağlanır. Bağlanmış elan siz onu və ya hesabınızı silənə qədər saxlanılır; lentdə görünmür, açıq linkdə «Elan bağlanıb» kimi görünür.
Elan bağlanandan sonra onun çatında 7 gün yazmaq olur; mesajlar elan və ya hesab silinənə qədər qalır.
Oxunmuş bildirişlər 90 gündən sonra silinir.
Patimo nişanının skanları (mesaj, yer, tapanın nömrəsi) 90 gündən sonra silinir.
Nişan sifarişinin çatdırılma məlumatı (ad, telefon, ünvan, indeks, qeyd) sifariş çatdırılandan və ya ləğv olunandan 90 gün sonra silinir; sifarişin özü (dizayn, məbləğ, status) hesabınız qaldıqca saxlanılır.
SMS jurnalı 30 gündən sonra silinir.
Profil, heyvanlar və sağlamlıq qeydləri hesabınız qaldıqca saxlanılır.
Qayğı planı, qeydlər və foto gündəlik heyvan və ya sahibin hesabı silinənə qədər saxlanılır; heyvan silinəndə gündəliyin şəkilləri də silinir (ən gec 24 saat ərzində). Dəvət kodları 48 saat işləyir.

Hesabın silinməsi

Tətbiqdə: Profil → Hesabı silin. Dərhal silinir: profil, heyvanlar və sağlamlıq qeydləri, elanlarınız, «Gördüm»ləriniz, yazışmalarınız və mesajlarınız (qarşı tərəfdə də), bildirişlər, etdiyiniz şikayətlər, dəvət kodu, şərtlərə razılıq qeydi, Patimo nişanlarınızın skanları (nişanlar bloklanır), nişan sifarişləriniz və onların çatdırılma məlumatı, heyvanlarınızın qayğı planı, qeydləri və foto gündəliyi, ailə üzvlükləriniz.

Şəkillər (heyvanların, elanların və nişan səhifələrinin) tətbiq tərəfindən dərhal silinir; texniki səbəbdən alınmasa, təmizləmə növbəsi ilə ən gec 24 saat ərzində silinir.

Qalır:

qaydaları pozduğu üçün bloklanmış nömrə və blokun səbəbi — eyni nömrə ilə yenidən qeydiyyatın qarşısını almaq üçün;
moderasiya qərarlarının daxili jurnalı (məsələn, qaydaları pozduğu üçün silinmiş elanın mətni) — mübahisə halları üçün;
SMS jurnalı (nömrənin hash-ı) — 30 gün tamam olana qədər;
başqasının Patimo nişanını skan edib tətbiqdən göndərdiyiniz xəbər (mesaj, yer, istəsəniz nömrə) — nişanın sahibində 90 gün tamam olana qədər;
başqasının heyvanının ailəsində yazdığınız qayğı qeydləri və gündəliyə əlavə etdiyiniz şəkillər — heyvanın sahibində qalır, adınız onlardan silinir.

Ətraflı, həmçinin tətbiqə daxil ola bilmirsinizsə: patimo.az/hesabin-silinmesi.

Hüquqlarınız

Məlumatlarınıza baxmaq və düzəltmək — tətbiqdə (profil, heyvanlar, elanlar).
Silmək — elanı, heyvanı, qeydi və ya bütün hesabı tətbiqdə.
Məlumatlarınızın surətini istəmək, emala etiraz etmək və ya razılığı geri götürmək — info@jatudigital.com ünvanına yazın; qanunla müəyyən olunmuş müddətdə cavab veririk.

Uşaqlar

Patimo 18 yaşdan kiçiklər üçün deyil və uşaqların məlumatını bilərəkdən toplamırıq. Belə hesab aşkar olunsa, silinir.

Dəyişikliklər və əlaqə

Siyasəti dəyişə bilərik. Yeni versiya burada dərc olunur və tətbiqdə razılığınız yenidən soruşulur. Mətn Azərbaycan, rus və ingilis dillərindədir; fərq olarsa, Azərbaycan dilindəki mətn əsasdır.

Əlaqə: Jatu Digital MMC (VÖEN [VÖEN], ünvan: [ünvan]), info@jatudigital.com.